FIESTA DEL SANTO NIÑO 2026
Ang Pamahalaang Lungsod Pasay sa pangunguna ng Ina ng Lungsod at Primera Hermana Mayor Emi Calixto-Rubiano, Congressman at Primero Hermano Mayor Antonino G. Calixto katuwang ang Congregacion del Nombre de Jesus ay malugod na nagaanyaya para sa Fiesta del Santo Niño 2026 – The Pasay City Santo Niño Festival.
Gaganapin ngayong araw, Enero 15, 2026 ang “Pagpanaog” kung saan dadalhin mula Pasay City Hall ang imahen ng Santo Niño patungong Astrodome bilang panimulang gawain. Dito rin nakatampok ang iba’t-ibang imahen ng Santo Niño para sa isang Exhibit na bukas sa publiko mula ala-una ng hapon hanggang alas-9 ng gabi.
Magdaraos din ng Nobena mula Enero 16 hanggang 23 tuwing alas-7 ng gabi. Ang Solemn Fiesta Mass ay ipagdiriwang sa Enero 24, 2026 ganap na ika-5 ng hapon at ang Grand Procession ay idaraos kinabukasan, Enero 25, 2026 na magsisimula sa Pasay City Hall at magtatapos sa Roxas Blvd. Pasay/Manila Boundary.
